श्र्लोक आणि भक्तिगीत: शिव आणि हनुमान (Shloka and Bhaktigeet: Shiva and Hanumaan) (ऐका audio
)
अशुद्ध शब्द आढळल्यास दुरुस्ती करण्यासाठी कृपया tapaswimeena[at]gmail.com या पत्त्यावर लिहा
आज जाणले तुझे (Aaj Jaanale Tuze)
आज जाणले तुझे श्रेष्ठपण |
हे हनुमंता, हे जगजीवन ||धृ||
श्रीरामाचा दास म्हणविसी
श्रीरामाला तारून नेसी
रामकार्य जव संपून गेले
तुझेच उरले चिरंजीवपण ||१||
अग्रबुद्धी ही तुझी वीरता
योगसिद्धी ही तुझी धीरता
सूक्ष्म अणुसम तुझी कुशलता
सुवर्णकांती अमरवस्तुपण ||२||
देहभाव तव भक्तिअंकित
जीवभाव तव कर्मयोगस्थित
चैत्यभाव तव आत्मनिवेदित
सर्वभाव तव नित्यनिरंजन ||३||
वायुपुत्र तू वायुतत्व तू
साधकाप्रती श्वासवायु तू
सिद्ध तयाप्रती कुंभकपण तू
पूर्णब्रह्म तू वायु होउन ||४||
विद्यानंदा सर्व काही तू
राम तूच अन कृष्ण तोही तू
परब्रह्म तै सगुण ब्रह्म तू
तुजहृदयी धरितो मी तू होउन ||५||
भीमरूपी (Bheemarupee)
भीमरूपी महारुद्रा वज्र हनुमान मारुती |
वनारी अंजनीसूता रामदूता प्रभंजना ||१||
महाबळी प्राणदाता सकळा उठवी बळॆ |
सौख्यकारी दुःखहारी धूर्त वैष्णव गायका ||२||
दीनानाथा हरिरुपा सुंदरा जगदंतरा |
पाताळ देवता हंता भव्य सिंदूर लेपना ||३||
लोकनाथा जगन्नाथा प्राणनाथा पुरातना |
पुण्यवंता पुण्यशीला पावना परितोषका ||४||
ध्वजांगे उचली बाहो आवेशे लोटला पुढे |
काळाग्नी काळ रुद्राग्नी देखता कापती भये ||५||
ब्रह्मांडे माईली नेणो आवळे दंतपंगती |
नेत्राग्नी चालिल्या ज्वाळा भृकुटी ताठिल्या बळे ||६||
पुच्छ ते मुरडिले माथा किरीटी कुंडले बरी |
सुवर्ण कटी कासोटी घंटा किंकिणी नागरा ||७||
ठकारे पर्वता ऐसा नेटका सडपातळू |
चपळांग पहाता मोठे महाविद्युल्लतेपरी ||८||
कोटीच्या कोटी उड्डाणे झेपावे उत्तरेकडे |
मंदाद्रीसारिखा द्रोणू क्रोधे उत्पाटिला बळे ||९||
आणिला मागुती नेला आला गेला मनोगती |
मनासी टाकिले मागे गतिसी तुळणा नसे ||१०||
अणुपासोनी ब्रह्मांडा एवढा होत जातसे |
तयासी तुळणा कोठे मेरुमंदार धाकुटे ||११||
ब्रह्मांडा भोवते वेढे वज्रपुच्छे करू शके |
तयासी तुळणा कैची ब्रह्मांडी पाहता नसे ||१२||
आरक्त देखिले डोळा ग्रासिले सूर्यमंडळा |
वाढता वाढता वाढे भेदिले शून्यमंडळा ||१३||
धन-धान्य पशु वृद्धी पुत्र पौत्र समग्रही |
पावती रूप विद्यादी स्तोत्रे पाठे करुनिया ||१४||
भूत प्रेत समन्धादी रोग व्याधी समस्तही |
नासती तुटती चिंता आनंदे भीमदर्शने ||१५||
हे धरा पंधरा श्र्लोकी लाभली शोभली बरी |
दृढ देहो निसंदेहो संख्या चंद्रकळा गुणे ||१६||
रामदासी अग्रगण्यू कपिकुलासी मंडणु |
रामरूपी अंतरात्मा दर्शने दोष नासती ||१७||
इति श्री रामदासविरचितं संकटनिरसनम् मारुती स्तोत्रम् संपूर्णम्
हनुमंतराया करावे पावन (Hanumantaraayaa Karaave Paavan)
हनुमंतराया | करावे पावन |
ऐसे कृपादान | द्यावे मज ||१||
तव संगतीत | मन राहो नित्य |
अभद्र असत्य | असो नये ||२||
काया, वाचा, मन | अंतर्बाह्य शुद्ध |
लौकिक संबंध | गंगारूप ||३||
अमृताचा ध्यास | लागो निरंतर |
तव पदी स्थिर | विद्यानंद ||४||
हर ॐ हर ॐ (Hara Om Hara Om)
हर ॐ हर ॐ सदाशिवा | हरि ॐ हरि ॐ नारायणा ||धृ||
कैलासवासा सदाशिवा | वैकुंठवासा नारायणा |१|
गौरीरमणा सदाशिवा | श्रीलक्ष्मीरमणा नारायणा |२|
वृषभवाहना सदाशिवा | गरुड़वाहना नारायणा |३|
नीलकंठ हे सदाशिवा | नीलशरीरा नारायणा |४|
भस्मविभूषण सदाशिवा | तिलकशोभिता नारायणा |५|
बिल्वदलप्रिय सदाशिवा | तुलसीदल प्रिय नारायणा |६|
पन्नगहारा सदाशिवा | पन्नगशयना नारायणा |७|
शूलपाणि हे सदाशिवा | चक्रपाणि हे नारायणा |८|
चर्माम्बरधारी सदाशिवा | पीताम्बरधारी नारायणा |९|
ज्योतिर्लिङग स्तोत्र (Jyotirlinga Stotra)
सौराष्ट्रे सोमनाथं च श्री शैले मल्लिकार्जुनम् |
उज्जयिन्यां महाकालं, ॐ कारं, अमलेश्र्वरम् ||१||
परल्यां वैद्यनाथं च डाकिन्यां भीमशङ्करम् |
सेतुबंधे तु रामेशं नागेशं दारुकावने ||२||
वाराणस्यां तु विश्र्वेशं त्र्यम्बकं गौतमीतटे |
हिमालये तु केदारं घुश्र्मेशं च शिवालये ||३||
एतानि ज्योतिर्लिङ्गानी सायंप्रातः पठेन्नर: |
सप्तजन्मकृतं पापं स्मरणेन विनश्यति ||४||
नमः शिवाय शान्ताय (NamaH Shivaaya Shaantaaya)
नमः शिवाय शान्ताय सगणाय ससूनवे |
सनन्दिने सगंगाय सायुधाय नमो नमः ||
पवनसुत-प्रेम-षोडशी (Pawansut-Prem-Shodashee)
हे नाथा हनुमत-प्रभो करि दया, मी अज्ञ हे जाणुन |
जे झाले घडले क्षमा करि आता, होवो तुझे चिंतन ||१||
माझा मी मजला कधी न कळला, गतजन्मि ना जन्मि ह्या |
स्वच्छन्दातची मग्न मी परी आता, होवो तुझे चिंतन ||२||
काही बाही जरी स्वरूप शिकलो, संसार ये आतुन |
कर्मा अर्पुनी कर्मयोग घडवी, होवो तुझे चिंतन ||३||
श्रीरामानुज हे निमित्त घडले, संजीवनी ओतली |
सर्वांलागि प्रभो रहस्य कळण्या, होवो तुझे चिंतन ||४||
श्रीरामाचा जरि दास तू म्हणविसी, हृद्गेही त्या बांधिसी |
भक्तिची किमया यथार्थ कळण्या, होवो तुझे चिंतन ||५||
द्वापारी जरी रामदास नससी, श्रीकृष्ण त्वा पूजिला |
कैसा त्या रथशिखरी बसुनिया, होवो तुझे चिंतन ||६||
किष्किंधानगरीमधी प्रगटला, झेपावला मंडळी |
सूर्यांते फल-बिंब भावुनि कसा, होवो तुझे चिंतन ||७||
सूर्याचा गती-गर्व वारूनि तया, केले कसे सुस्थिर |
बालाचि बल-बुद्धी अभिनव कशी, होवो तुझे चिंतन ||८||
हे पवना, तव कार्य नाहि सरले, कल्पांति त्रेतायुगी |
सद्यस्थित कली कसा शमविसी, होवो तुझे चिंतन ||९||
कासोटी तुजला सुवर्ण पदरी, तू रुद्र हे कौतुके |
श्रीरामाला कळले रहस्य बघता, होवो तुझे चिंतन ||१०||
माता अंजऩि जी स्वयं गुरुकृपा, कैसी तुला लाभली |
दिव्यत्वे गुरुदृष्टी कै उमलते, होवो तुझे चिंतन ||११||
पितृत्वे 'नरकेसरी' तुज कसा, श्रेष्ठातही श्रेष्ठ जो |
षट्चक्री कुशलत्व सिद्धी पितया, होवो तुझे चिंतन ||12||
मातृ-पितृ-तुझे निमित्त घडले, शृंगर्षीचा प्राण तू |
त्रैपिंडातील सत्व राम, शिव तू, होवो तुझे चिंतन ||१३||
विष्णूचे प्रतिरूप घेऊनि स्वये, श्रीराम आला तदा |
होते प्राप्त शिवास ते तवगुणे, होवो तुझे चिंतन ||१४||
भीमाचा बलदर्प काढुनि प्रभो, योगार्त केले तया |
ब्रह्माचे मधु-रूप पावुनि तसे, होवो तुझे चिंतन ||१५||
गोरक्षाप्रति त्वा प्रसाद दिधला, गुरूस्थान संकेतुनी |
विद्यानंदमनी मरुत्-गुरुकृपा, होवो तुझे चिंतन ||१६||
शंकरजीका डमरू (Shankaarjikaa Damaru)
शंकरजीका डमरू बोले - श्रीराम जयराम जय जय राम |
मीराबाईकी तारा बोले - गिरिधर नागर गिरिधर नागर |
तुकारामकी वीणा बोले - विठ्ठल विठ्ठल जय हरि विठ्ठल |
हनुमानजीके मुखसे निकले - रघुपती राघव राजाराम पतित पवन सीताराम |
गुरु नानककी वाणी बोले - सत् नाम, सत् नाम, सत् नाम, सत् नाम |
शंकरजीका डमरू बोले - श्रीराम जयराम जय जय राम |
सोऽहं सिद्धा (Soham Siddhaa)
सोऽहं सिद्धा श्रीहनुमंता |
तुमचे चरणी ठेवी माथा ||धृ||
तुमचे चरणी ज्ञान भक्ती वा
कर्मयोग तुम्हा स्तविता
तुमचे चरणी राजयोग वा
ध्यानसमाधी पुरती हाता ||१||
तुमचे चरणी शांति निरंतर
पराशक्तिचे आपण त्राता
तुमचे चरणी दीप्ती भयंकर
आपत्काऴी भक्ताकरिता ||२||
तुमचे चरणी वैराग्याची
वाहे सुन्दर सात्विक सरिता
तुमचे चरणी भीती तमाची
नासून येई विवेक भक्ता ||३||
तुमचे चरणी महारुद्रता
काऴावरती तुमची सत्ता
तुमचे चरणी सप्त-स्वर्गता
विद्यानंदा अनुभव पुरता ||४||